இம்மாதம் 17ஆம் தேதி கந்தசாமி ஆடியோ வெளியிடப்படுகிறது. சென்னை டிரேட் சென்டரில் இதற்காக பிரமாண்ட விழா தயாராகி வருகிறது.
தாணு தயாரிப்பில் சுசி. கணேசன் கந்தசாமியை இயக்கியிருக்கிறார். கொக்கரக்கோ என்ற சூப்பர்மேன் கதாபாத்திரம் உட்பட பல வித்தியாசமான வேடங்கள் விக்ரமுக்கு. அவருக்கு ஜோடி ஸ்ரேயா. மிகுந்த பொருட் செலவில் படத்தை உருவாக்கியிருக்கிறார் தாணு. விக்ரம், ஸ்ரேயா உடைகளுக்கு மட்டும் பல கோடி செலவிடப்பட்டுள்ளது.
மெக்சிக்கோ, இத்தாலி போன்ற வெளிநாடுகளிலும் படப்பிடிப்பு நடத்தப்பட்டது. இதன் காரணமாக படத்தை ஸ்பானிஸ் மற்றும் இத்தாலி மொழிகளில் வெளியிடும் வேலைகளும் நடந்து வருகின்றன.
படத்தின் ஆடியோ வெளியீட்டு விழாவை ஏப்ரல் 14 பிரமாண்டமாக நடத்த திட்டமிட்டிருந்தார் தாணு. படத்தில் நடித்திருக்கும் இத்தாலி நடனக் குழுவினரும் அழைக்கப்பட்டிருந்தனர். சன் தொலைக்காட்சியில் விழா நிகழ்ச்சிகளை நேரடியாக ஒளிபரப்புவதாக திட்டம்.
சில தொழில்நுட்பக் காரணங்களால் ஏப்ரல் 14 விழாவை நடத்த முடியாமல் போனது. தற்போது தடங்கல்கள் சரியான நிலையில் அதே பிரமாண்டத்துடன், அதே நேரடி ஒளிபரப்பில் சென்னை டிரேட் சென்டரில் 17 ஆம் தேதி விழா நடக்கிறது. இந்த விழாவில் பின்தங்கிய கிராமங்கள் தத்தெடுக்கப்படும் நிகழ்ச்சியும் நடைபெறும் என்பது குறிப்பிடத்தக்கது.
